Ko fee e me’a ‘oku ta’etaau´ he lau ‘a Tonga?

KUO hanga ‘e he pule’anga Tonga´ ‘o ta’ofi e nusipepa Taimi ‘o Tonga´ mei Tonga tokua ‘oku ta’efe’unga ki he lau ‘a e kakai´ pea fakalielia ki he’enau vakai´. Hili ko ia´ ‘oku fakatau atu pe ‘i Tonga ia ‘a e ngaahi makasini mo ha ngaahi ‘ata telefua mo hâ ngali fakalielia.

Ko ‘eni kuo toe makape hake ko Tonga e fika 10 he ngaahi fonua lahitaha ‘enau tu’asila pe peesi fakalielia (Pornographic Sites) ‘oku nau ngaue’aki ‘a e tu’asila ‘a Tonga ko e “.to”.

Ko Tonga mo Niue ‘a ee ‘oku na kau he fonua ‘e 10 tu’ukimu’a taha hono ngaue’aki ‘enau tu’asila´ ki he tu’asila fakalielia´. ‘Oku taku ko e ongo fonua lotu, ka ko e makape hake ‘a e lipooti ko ‘eni´ ‘oku ne fehu’ia lahi ai e ongo fonua iiki ni.

‘I he fakamatala ‘a e Faifekau ko Teleke Lauti mei he Siasi ‘o Tuvalu ki he ongoongo ‘a e ABC na’a ne fakahâ ‘ene ofo he ongoongo ni.

“’Oku ou ofo ‘aupito he na’a ku pehê ‘e au ko homau fonua´ ‘oku kei mama’o ia mei he ngaahi fakalakalaka ko ‘eni´,” ko Lauti ia.

Na’e fakahâ ‘e Faifekau Matagi Vilitama mei he Kosilio e ngaahi siasi ‘a Niue tenau fakafepaki’i lahi e me’a ni ki he pule’anga Niue.

“’Oku ou tui ‘oku fu’u ta’etaau mo e fonua kalisitiane ‘o hangê ko kimautolu´ kemau ma’u ha fu’u ‘otu tu’asila fakalielia pehee,” ko Vilitama ia.

‘E faingofua e faitu’utu’uni ia ‘a Niue ia ki he palopalema ni he ko e totonu ko ia ki he tu’asila “.nu” ‘oku ma’u ia ‘e he pule’anga Niue ma’ae fonua´ fakakatoa. Ka, ko e “.to” ‘a Tonga´ ‘oku ma’u ia ‘e he kautaha ‘a e Pilinisi Kalauni´ ko ‘ene pisinisi fakataautaha. Ko ‘eni kuo ngalivale pea ma’ave’ave ‘a e hingoa ‘o Tonga´ ‘i he ‘initaneti fakalielia.

Kaekehe, kuo tuku mai ‘e he kautaha ia NU Domain Ltd ‘a ia ‘oku nau fakamaketi’i atu e “.nu” ‘a Niue ha fakamanamana ‘o pehê tenau faka’ilo ha kau faiongoongo tenau paaki atu ‘a e ongoongo ‘o fekau’aki mo e pehê ko ia ko e peesi fakalielia ‘e 2.9 miliona kuo tuku atu ‘e he “.nu”. Na’a nau pehee ‘enautolu ‘oku hala e fika ia ko ‘eni´.

Na’e pehee mei he kautaha ni kuo a’u ki he 6,000 ‘a e ngaahi kole ange kenau lesisita ke ngaue’aki ‘a e tu’asila “.nu”, ka kuo nau fakafoki koe’uhi´ ko e ‘ikai kenau faipau pe muimui ki he tu’utu’uni mo e lao ‘o e lesisita ke ngaue’aki e “.nu”.

Kaekehe, ‘oku kei longo ‘a Tonga pe ko e hâ ha ngaue ‘e fai ki he me’a ni. Ko fê leva e me’a ‘oku ta’etaau mo fakalielia na’e makatu’unga ai e feinga tautâmate ‘a e pule’anga Tonga´ ke liliu ai e Konisitutone. Ko e fakalielia´ ‘eni ‘oku fakalilifuange ia he “.to”.

Ni’ihi e ngaahi tu’asila fakalielia ngaue’aki e .to

• http://www.zoophilia.to/
• http://www.asianbabes.to/
• http://www.livecams.to/
• http://www.70s-gay-porn.to/
• http://www.xxxmain.to/
• http://sexgate.to/
• http://www.sexogratis.to
• http://www.sexshow.to/
• http://www.erotik.to/
• http//kickme.to/sexporta