Lâunga 'a Siaosi Sovaleni fekau'aki mo e ongoongo´

NUKU'ALOFA : KUO ma'u 'e he nusipepa ni ha fakamatala na'e lâunga 'a e Talekita 'o e Information Systems 'a e Fale Pa'anga´, Siaosi Sovaleni, ki he 'Ofisi Palêmia´ 'o fekau'aki mo ha fakamatala na'e paaki atu 'i he Taimi 'o Tonga kuo 'osi´, 'o pehê kuo tuku kitu'a fakataimi ia 'i ha uike 'e ua koe'uhî ko e tukuaki'i ko 'ene feinga ke tohoaki'i ha tokotaha fefine mali, 'a ia 'oku´ ne ngâue 'i he Pule'anga Tonga´.

Na'e hoko eni lolotonga ha fakataha na'e fakahoko 'i muli. 'Oku pehee na'e 'ikai fiemâlie 'a Siaosi ki he fakamatala´.

Neongo ia 'oku kei tu'u pe 'a e nusipepa´ ni 'i he fakamatala na'a´  ne pulusi´ koe'uhi´ ko e ngaahi fakamo'oni kuo´ ne ma'u´. Ka 'oku 'i ai 'a e fifili pe ko e hâ na'e fetu'utaki ai 'a Siaosi ki he 'Ofisi Palêmia´ fekau'aki mo ha nusipepa muli na'e 'ikai foaki 'e he 'Ofisi Palêmia´ ha'ane laiseni ke ne pulusi e me'a ni.

Ko e keisi eni hono fâ 'i Tonga´ ni 'o fekau'aki mo e kau ngaue fakapule'anga pea na'e fakanofo ai 'a e fo'i tokotolu ia mei honau ngaahi lâkanga 'i he pule'anga´ kimu'a.

'Oku hâ ai 'a e mahu'inga'ia 'a e Pule'anga Tonga´ 'i he 'isiu ko eni´, pea kuo kamata ke lea 'a e kakai fefine´ fekau'aki mo hono feinga'i ke tohoaki'i ha fefine mali , pe ko e feinga ki ha fefine 'i ha founga 'oku ta'efe'unga. (sexual harassment).