Fakamâlôloo'i ko e tohoaki'i ha fefine mali

KUO tuku kitu'a 'i he uike 'e ua 'a e Talêkita 'o e Information Systems 'a e Potungâue Pa'anga´, Siaosi Sovaleni mei he ngâue´ koe'uhi´ ko e tukuaki'i ki he'ene feinga ke tohoaki'i ha fefine mali 'a ia 'oku´ ne ngâue 'i he Pule'anga Tonga´. Na'e hoko 'eni lolotonga ha fakataha na'e fakahoko 'i muli.

Neongo 'oku te'eki ai ke ma'u hoa 'a Siaosi ka 'oku tokolahi 'a 'ene fânau´.

Na'e 'osi tukuaki'i ha tokotaha ko Tevita Lavemâau kimu'a mei he Fale Pa'anga´ ai pê pea na'e iku 'o fakanofo mei he ngâue´. Ki mu'a atu ai´ ne fakamâlôloo'i e Minisitâ Mâlôloo´ Sêsolo Koka koe'uhi´ ko ha keisi natula pehe´ ni lolotonga ha'ane fakataha 'i Nu'usila.

'Oku mahu'inga 'a e 'îsiu ko 'eni´ he kuo kamata ke lea 'a e kakai fefine´ fekau'aki mo e lahi e ngaahi keisi 'oku kaunga ki hono tohoaki'i e kakai fefine mali´ pe ko e feinga ki ha fefine 'i ha founga 'oku ta'etalia (sexual harassment).