|
Fokotuu'u Va'a Tonga 'o e Progressive Party
'OKALANI: KUO fokotu'u 'i 'Okalani 'a e va'a Tonga 'o e paati Progressive. Na'e fakahoko 'eni 'i he Monite 'o e uike ni 'a hono fili 'o Faleako Pepa ke hoko ko e Sea 'o e Komiti Tonga, pea Sekelitali/Tauhi Pa'anga 'a Sione Fonua.
Na'e toe fili foki 'a Lotikeni Tonga pea mo Tominiko Hefa ke na kau atu ki he komiti ni.
Ko Faleako mo Sione te na kanititeiti ma'ae Progressive Party ki he fili Fale Alea hoko 'a Nu'usila ni, 'a ia 'oku fakafuofua ki he konga kimui 'o e ta'u fo'ou´.
Na'e pehê 'e Faleako 'oku 'amanaki ke fai 'a e ngaahi fakataha 'i he komiuniti Tonga´, pea mo e ngaahi ngaue feinga pa'anga ke tokoni ki hono langa hake 'o e va'a Tonga 'o e paati´.
Ko e paati Progressive 'oku taki ai 'a Jim Anderton, pea ko Matt Robson 'oku ne tataki 'a e ngaahi ngâue fekau'aki mo e kakai 'o e 'Otu Motu.
Ko e 'ofisi 'o Matt Robson, 'a ia 'e ngaue'aki 'e he komiti Tonga fo'ou´ 'oku tu'u ia 'i Ellerslie
|
