|
Palopalema'ia 'a e kau folau he Royal Tongan
Ko e uike 'eni 'e tolu mo e 'ikai ke 'i ai ha puna 'a e kautaha vakapuna 'a e Royal Tongan ki Hauai'i, 'I he taimi tatau 'oku kei maumau 'a e vakapuna twin otter 'a e kautaha ni 'a ia 'oku puna ki he ongo Niua mo 'Euá.
'Oku pehê ko e vakapuna twin otter 'oku lolotonga sêvesi pea ko e vaka lahí 'oku maumau fakatekinikale pea 'oku kei tau 'i he mala'e vakapuna 'o 'Aokalani.
'Oku 'i ai 'a e tui ko e mole lahi 'eni ki he kautaha he kuo pau ke fakaheka 'a 'enau pâsese 'i he ngaahi vakapuna 'a e ngaahi kautaha kehe. 'I he'ene pehê kuo pau ke toe totongi 'e he kautahá 'a e ngaahi totongi folaú fakataha mo e faikehekehe 'o e totongi folau 'a e Kautaha Royal Tongan mo e ngaahi totongi folau 'i he ngaahi kautaha kehe. 'Ikai ke ngata ai´ ka ko e tau ko ia 'a e vakapuna´ 'i he mala'e vakapuna 'Okalani´ 'oku fu'u mamafa 'aupito hono totongi´.
|
