Fokotu'u Melehifo e lekooti fo'ou 'a Tonga

'I he fe'auhi 'atelita Nationals pe ko e hau 'o 'Aositelelia´ na'e fokotu'u ai 'e he fefine tolo tisikasi 'a Tonga´, Melehifo Uhi ha lekooti fo'ou fakafonua ma'a Tonga 'a ia ko e mita 'e 52.55. Ko e fe'auhi ni na'e 5 ai 'a Melehifo kae hamusi 'a e koula´ ia 'e he fefine tolo 'a Nu'usila´, Beatrice Faumuina 'aki 'a e mita 'e 63.44. Na'e ua hake ki ai 'a Debbie Pickersgill koe mita 'e 56.37.

'Oku kau atu foki mo 'Ana Po'uhila ki he fe'auhi ni pea na'e toki fe'auhi ia he Sapate´, ka ne 'ave e pepa´ 'o paaki´ 'oku te'eki ke ma'u e ola´. Ko Melehifo mo 'Ana´ koe ongo tu'ukimu'a taha ia he Pasifiki´ 'i he tolo tisikasi mo e tolo me'amamafá pea 'oku na teuteu mo fakamalohisino loua 'i Nu'usila ni.