Holoki sikuati U21 'o toko 29 ka ko e toko 24 pe 'e folaú

NUKU'ALOFA- 'E toki mahino 'a e timi U21 'a Tongá 'e folau atu ki Ha'amoá 'i he uike kaha'u ki he fe'auhi kualifai ki he tau'i 'a e Ipu 'a Mamaní ka 'i he lolotonga ni kuo holo hifo mei he toko 34 'o toko 29 pe.

Neongo ko e toko 24 pe 'e folaú ka 'i he fakamatala 'a e pule 'o e timí, Soape Tu'iono na'a ne fakahâ ko e ni'ihi koia 'e nofó 'oku kei 'i ai pe honau faingamâlie ki he folau atu koia ki he tau'i 'o e Ipu 'a Mamaní 'i Pilitania 'o kapau tetau ikuna 'i he fe'auhi koia 'i Ha'amoa.

'' 'E mahino pe 'a e ni'ihi ia 'e kovi 'a e tauhi laó mo e tu'unga 'oku va'inga ai 'i he folau ki Ha'amoa pea ko e ni'ihi koia 'e fetongi pe kinautolu 'e he ni'ihi 'e talitali atu mei Tonga ni'', ko e lau ia 'a Soapé.

'I he toko 29 'oku nau lolotonga teuteú 'oku kau kiai 'a e ongo huka ko Makoni Finau mo Tovo Folaumoetao; matatolú, Peni Fakalelu, Siaosi Nginingini, Tahaafe Moala, Simi Motu'apuaka, Viliami 'Akimeta mo Tevita Fonua; hüua ko Tanginoa Foster, Lisiate Fa'aoso, Lupeti Tonga, Sione Timani mo Semisi Hehea; peleki'auuei ko Sione 'Ofa mo Sefo Makaui; fika 8 ko Tu'itupou Fa'asolo; haafe, 'Elone Fainga'anuku, Kitione Halapio mo Tevita Toumohuni; feesi ko Fangatapu 'Apikotoa mo Kilifi Lâtû; sekeni, Sione Taukapo, Palato Tu'ipulotu mo Kosilio Tonga'uiha; senitâ, 'Alasikâ Taufa mo Peni Teisina; kapakau, Mahuika Kaufusi mo Salesi Havili pea le'okolo 'a 'Alipate Fatafehi.

'Oku pule 'i he timi ni 'a Soape Tu'iono, faiako 'a Fred Wolfgramm pea tokoni 'a Fatui Langilangi pea faifakamalohisino 'a Viliami Lâtû.

'E folau atu 'a e timi ko 'eni 'i he 'aho 7 'o 'Epelelí.