|
Puke toko 2 Tonga ki he fana me'afana
NA'E puke 'e he kau Polisi 'o San Mateo ha ongo talavou Tonga 'o tukuaki'i ki he fana'i ha matapule ta'u 38 'i he po Pulelulu kuo 'osi´.
Ko e ongo tangata ni ko John Tonga ta'u 19 mo Jared Fonua ta'u 18.
Fakafuofua ki he 11 po'uli 'o e po Pulelulu´ na'e ma'u ai 'e he kau polisi´ ha lipootiange 'oku fai 'a e fana me'afana 'i he feitu'u he fo'i hala Humboldt St. Na'e a'u atu e kau Polisi´ 'oku 'ilonga pe e nge'esi mahafu´ he feitu'u ni. Na'a nau ma'u ai ha tangata 'oku ne tokoto 'oku lavea tokua ko e fana'i hono tu'a´ 'o 'asi mai e fo'i mahafu´ 'i hono kete´. Na'e leleaki'i ai pe e tangata ni ki he falemahaki´ pea 'oku ngali 'e faingamalie pe.
'I he po Tu'apulelulu´ na'e 'ahua holo ai e kau Polisi´ he feitu'u ni 'o nau fakatokanga'i 'a John Tonga he 'api 'e taha. Na'a nau nofo ai pe ho poo ko ia´ 'o siofi e 'api ni. 'I he ma'a hake pe e pongipongi Falaite´ na'a nau 'ohofi ai pe e 'api´ 'o puke mai 'a Jonh Tonga.
|
