|
“Ke ‘ave fe‘auhi Faka-Kalapú ki Lavengamalié” ;
Minisitâ Polisí
KO
E me’a ‘eni ‘a e ‘Eiki Minisitâ Polisí mo
Palêmia Le’ole’ó Clive Edwards ‘i
he kâtoanga foaki pale ‘a e fe’auhi ki he Ipu
Lavengamalie Cup Tournament 2003/2004.
Ne
pehê ai ‘e he Minisitâ Polisií ‘a ia ne fakaafe
fakalangilangi ‘i he foaki pale ‘o e fe’auhí ni, kuo
taimi ke hiki ‘a e fe’auhi ‘akapulu fakakalpú mei he
malumalu ‘o e ‘Iunioni ‘Akapulu ‘a Tongá ki he
komiti ko ia ne nau fokotu’utu’u ‘a e fe’auhi Lavengamalié.
Na’e hâ ‘i he me’a ‘a e Minisitaá ‘oku
makatu’unga ‘eni meí he hâ mai ko ia ‘oku maau
pea mo toe manakoa ange ‘a e fe’auhi ‘a Lavengamalié ‘i
he fe’auhi faka-kalapú. ‘Ikai ko ia pê kâ ‘oku
mâlie pea mo fakaholomamata ange ‘a hono faka’ali’ali ‘e
he fânau va’ingá honau talenití ‘i he fe’auhi ‘a
Lavengamalié.
Ko
e taha e me’a na’e toe tokanga ki ai ‘a e Minisitâ Polisí ko’ene
faka’amua kapau ne lava ke fai hono fili ‘o e fânau ‘Ikale
Tahí mei he fe’auhi ko’eni ‘a Lavengamalié kâ ‘oku ‘ikai
ko e fe’auhi fakakalapú ‘aeé ‘oku fakalele ‘e
he Poate mo e Komiti ‘Akapulu ‘Iunioni ‘a Tongá.
Na’e ‘ikai foki ofo ha taha ia he me’a ko’eni ‘a
e Minisitâ he na’e kau ia he kau mêmipa ‘o e Poaté kâ kuó ne ‘i
tu’a ‘i he taimí ni ‘o fai ai ‘a e ngaahi fokotu’utu’u
ko’eni ki he ‘akapulú.
|
