|
Kei ‘ofa pe ‘a Joe Sr ki he‘ene ki‘i
fanau´
‘
I hono faka’eke’eke ‘e he Sunday News ‘a
e tamai ‘a e kapakau ‘a e All Blacks Joe Rokocoko mo
Joe mo Mele ‘Ofanoa´, Joseph Rokocoko Sr na’a
ne fakaha ‘a ‘ene kei ‘ofa pe ki he’ene
ki’i fanau mo Kakala´, ka koe‘uhi´ na’a
uesia e ongoongo ‘o Joe Rokocoko ko ia na’a ne fufuu’i
ai ‘oku ‘i ai ‘ene ki’i fanau mo Kakala´.
Na’a ne pehee ‘oku kei loto pe ke ‘i ai ha’ane kaunga
pe tokoni ki hono ‘ohake ‘o Joe mo Mele´ ka na’a ne manavasi’i
hono tala e mo’oni´ na’a uesia ai hono ki’i famili´.
“’
Oku te’eki ke u fakaha ha me’a ki hoku famili´ ko ‘eku
manavasi’i na’a mavaeua ai hoku famili´,” ko e fakaha
ia ‘e Joe Sr ‘i hono faka’eke’eke ‘e he Sunday
News.
“Ko e ongoongo ko ‘eni´ ‘e malava ke ne uesia ‘e
ia ‘a Joe (All Blacks) he ‘oku fu’u manakoa ‘aupito ia ‘i
Nu’usila ni.”
Na’a ne fakaha ‘oku ‘ikai ko ha palopalema ‘eni ia ‘o
Rokocoko (All Blacks) ke ne fehangahangai mo ia. ‘Ikai ke ngata ai´ ka
ko e me’a tatau ki hono famili´ ‘a ia ‘e uesia mo ia.
Na’a ne toe fakaha foki ‘oku ‘ikai ke faka’ataa ‘e
Kakala ia ‘a ia ke ne ‘a’ahi pe sio ki he’ene ki’i
fanau´.
“’
Oku ou fiema’u ke u tokoni ki he ongo leka´ ka na’e ‘ikai
ke ne tali (Kakala).”
Na’a ne pehee ko e taimi kotoa pe ‘oku ne telefoni ai ke ma’u ‘a
Kakala ke fakaha ‘ene fietokoni´ ‘oku ‘ikai ke ma’u
ia. Pea ko e taimi kotoa pe ‘oku telefoniange ai ‘a Kakala´ ‘oku
ne ngaue ‘aki ‘e ia e telefoni ‘oku ‘ikai ke ‘asi
hono fika´, pea ko ia e ‘uhinga ‘oku ‘ikai ai kena fetu’utaki´.
|
