|
Famili
Tonga ‘o
Rokocoko
NA’E hala ke teitei misi e ki’i talavou ko Joseph ‘Ofanoa
ta’u 9 mo hono ki’i tuofefine ta’u 13 ko Mele ‘Ofanoa
ko e kapakau ‘iloa ko ia ‘a e All Blacks, Joe Rokocoko
ko hona tokoua mo tuonga’ane.
Na’e kau ‘a Joe Rokocoko ‘i he taha na’e sai’ia
e ongo ki’i tamaiki ni he sio he’ene va’inga´ ‘o
hangee ha taha ‘oku na motolo mo polepole ‘aki´. Ka na’e
toe ‘a’aasiliange ‘ena fiefia´ ‘i he ‘aho
ko ia ne hanga ai ‘e he’ena fine’eiki´, Kakala ‘Ofanoa
ta’u 47 ‘o fakahaange ke na ‘ilo ko Joe Rokocoko´ ‘oku
na tamai taha mo ia.
Na’e paaki ‘e he nusipepa Sunday News ‘a hono faka’eke’eke
makehe ‘o Kakala ‘o fekau’aki mo ‘ene fakaha ki he’ene
ongo tamaiki´ ‘a e ‘ena tamai totonu´.
“
Kuo fu’u fuoloa ‘eku fufuu’i e me’a ni,” ko e fakaha
ia ‘e Kakala´. “Kuo na a’u ki ha tu’unga (Joseph
mo Mele) kuo na fiema’u ke na ‘ilo ‘ena tamai totonu´.”
Na’e pehee ‘e Kakala ko e taimi kotoa pe ‘oku nau sio ai he
tau ‘a e All Blacks ko e taimi pe ‘oku a’u ai e pulu´ kia
Rokocoko ‘oku fiefia mo kaikaila e ongo tamaiki´. Pea ko Rokocoko
ko e tokotaha va’inga ia ‘oku na sai’ia taha ai´.
“’’
I he taimi ‘e ni’ihi na’a na fa’a ‘eke mai pe ‘oku
na kainga koaa´ mo Rokocoko...ka ko hono mo’oni´ ‘io
oku nau kainga,” ko e fakaha ia ‘e Kakala´.
Na’e maheni ‘a Kakala mo e tamai ‘a Rokocoko ‘a ia ko
hono hingoa´ ko Joe Sr pe (‘a ia ko e Joe ‘eni ‘e tolu,
ko e tamai´, Rokocoko mo Joe ‘Ofanoa) ‘a ia ko e tangata Fisi ‘i
he konga kimu’a ‘o e hivangofulu tupu´. Pea ko e tohi ta’u ‘o
Mele´ ‘oku ‘asi ai e hingoa ia ‘o Joe Sr ‘a ia
na’a ne tohi pe. Pea ko e tohi ta’u ‘o Joe ‘Ofanoa´ ‘oku ‘ikai
ke ‘asi ai e hingoa ia ‘o Joe Sr ka ‘oku ‘asi ai ne hili
hono ‘ai e tohi ta’u´ ne toki tohi’i hifo ai “Roco
Thoco”.
Na’e fakahaa ‘e Kakala ‘oku tatau ai pe pe ‘oku ‘asi
he tohita’u´ ia ‘a e hingoa ‘o e tamai´, Joe Sr
ka ‘oku ‘ilo lelei pe ‘e Joe Sr ia ko hono foha. Pea kapau ‘oku
ne fiema’u ke oo ‘o sivi toto (DNA) te ne tali lelei pe.
Na’a ne pehee ne fanau’i pe ongo tamaiki´ na’e ha’u
ma’u pe ‘ena tamai´, Joe Sr ‘o ‘ave naua kenau
kai ‘asikilimi mo kai Hamburger, ka ne ‘ikai ke fuoloa kuo ‘ikai
ke toe ‘asiange ‘ena tamai´.
‘I he taimi tatau ‘oku ‘i ai pe e famili ia ‘o Joe Sr
mo hono mali´, Wana mo ‘ena ki’i fanau ‘e toko 4 ‘o
kau ai ‘a Rokocoko. Ko Joe Sr ko e tangata malanga ia ‘i he Siasi
Metotisi ‘o Manurewa.
Na’e pehee ‘e Kakala ko e momeniti pe ‘ene fakaha ‘o
mahino kia Joe mo Mele ko Rokocoko´ ‘oku nau tamai taha´ na’a
na fu’u fiefia ‘aupito mo malimali. Na’a ne fiefia he sio ki
he fiefia ‘a e ongo tamaiki´ pea ‘oku taau pe ke na fiefia
he ko ‘enau mo’ui´ ne ‘ikai ke fu’u fefee he ne
lahi e fusimo’omo´.
Na’e pehee ‘e Kakala na’a ne fetu’utaki kia Joe Sr he
ta’u 2000 ke ne totongi tangi tauhi mai ke tokoni ki hono ‘ohake
e ongo tamaiki´. Na’e hu mai ai ‘a e $140 he uike ua kotoa
pe ka ‘i he mahina ‘e 14 kuohili´ ne tu’u ai ‘o ‘ikai
ke toe hu mai ha totongi tangi tauhi ia meia Joe Sr.
Na’e fakamanau atu ai ‘e Kakala ‘oku ‘i ai e fatongia ‘o
Joe Sr ki he’ene ongo ki’i fanau´ pea ‘oku ‘i ai
e totonu ‘a e ongo tamaiki ni ke na ‘ilo mo maheni mo ‘ena
tamai´.
“
Ko e faingamalie ‘eni ke ne fai ai e me’a totonu oku tonun ke ne
fai´, pea ‘oku ou ‘amanaki pe te ne fai ia koe’uhi´ ko
e kaha’u e ongo tamaiki´.”
Na’e toe fakaha ‘e Kakala ko e tu’u he taimi ni ‘oku
faka’amu ‘ene ongo ki’i tamaiki´ ke ‘i ai hana
faingamalie ke na maheni ai mo Rokocoko.
“’
Oku ou faka’amuange mai ‘e fakaava ‘e Rokocoko hono loto´ ka
ne tali e ongo ki’i tamaiki ni ki he’ene mo’ui´,” ko
e faka’anaua ia ‘a Kakala´.
Ko
Kakala ‘oku ne nofo mo ‘Epalahame Finau ‘o na ‘ohake
mo tauhi ‘a Mele mo Joe.
|
