|
Faka‘ikai‘i ‘e he ‘Ateni Seniale ‘o
Utah ‘a e faka‘ilo ‘a Lavulavu´
KUO
faka’ikai’i ‘e he ‘Ofisi ‘a e ‘Âteni
Seniale ‘o Utah ‘Amelika´ ‘a e lau ‘o
pehê kuo hanga ‘e he Fakafofonga Fika 2 ‘o Vava’u´, ‘Etuate
Lavulavu, ‘o faka’ilo ‘a Utah pe ko e Pule’anga ‘Amelika´ fekau’aki
mo hono puke ia ‘i ‘Amelika´.
‘Oku kehe ‘eni ia mei he me’a ne toutou fakaha ‘e Lavulavu ‘i
he’ene tu’uta pe ‘i Tonga ni hili hono puke ia ‘i ‘Amelika´ ‘a
ia na’a ne fakaha ai ‘oku ne faka’ilo e pule’’amga ‘Amelika´ hono
puke ia´.
Kaekehe ‘oku tui he ‘ofisi ia e ‘Ateni Seniale ‘o Utah ‘oku
nau ma’u ‘a e ngaahi fakamo’oni ki he ngaahi faka’ilo ‘e
11 ‘oku tukuaki’i ki ai ‘’a ‘Etuate´, pea ‘oku
kau ai mo hono tehina ko Sam, ‘ai na’a´ ne ‘osi ngâue
pôpula kimu’a.
Na’e puke ‘a ‘Etuate ‘e he kau polisi´ ‘i
he Mala’e Vakapuna ‘o Utah ‘i ‘Okatopa ‘aho 1,
felâve’i mo e ngaahi tikite ne faka’ilo ia ki ai ‘i ‘Aokosi,
1997.
‘Oku kau ‘i he ngaahi tikite hopo ‘a ‘Etuate´, ‘a
e tikite ‘e nima ki he fakamo’oni loi, ‘i he’ene maumau’i ‘a
e vahe 76-6-501, pea ‘oku ala ngâue pôpula ai ha taha ki he
ta’u ‘e nima ‘i he tautea lahi taha´. ‘Oku ‘i
ai e tikite ‘e tolu ki hono fa’u e ngaahi lekooti loi (falsifying
records), maumau’i ai ‘a e vahe 76-8-414, pea ‘oku lava ai
ke ngâue popula ai ha taha ‘o ‘ikai toe laka hake ‘i
he ta’u ‘e nima´.
‘Oku toe faka’ilo foki ia ‘i ha tikite ‘e tolu ki hono
fa’u e ngaahi tohi fâ’ele’i loi, ‘a ia ‘oku
maumau ai ‘a e vahe 26-23-5.5, pea lava ai ke ngâue pôpula ‘o ‘ikai
toe laka hake ‘i he ta’u ‘e nima´.
|
