|
Lekooti
mali ‘e 29 ‘i he Tu‘apulelulu´ ‘i
Tonga
Fa’u ‘e Taina Kami Enoka
Ko
e mali e 29 na’e lava ‘o fakahoko ‘i he Fakamaau’anga´ ‘i
he ‘aho Tu’apulelulu kuo ‘osi´ kimu’a
pea tâpuni e Pule’anga´ ‘i he Falaite kuo ‘osi´ he
mâlôlô ‘a e Kilisimasi. Ko e mali lahi
taha eni kuo fakahoko ‘i he ‘aho ‘e taha ‘i
Tonga ni.
Na’e a’u ki he hoko ‘a e 3 ‘i he ‘efiafi Tu’apulelulu´,
ko e mali ‘e 27 kuo fakahoko´, ka na’e hokohoko e mali´ ‘i
he pongipongi´, pea a’u e ki’i hala ki he ‘ofisi, ‘i
mui ‘i he Pangikê Fakalakalaka´ ki he papa´ hono ‘alu’i ‘e
he kau mali´ pea fonu he me’alele´ pea fihi mo e ngaahi hala.
‘I he fehu’i atu ki he taha ‘o e kau ngâue ‘i he
Fakamaau’anga´ pe ko e hâ ‘oku fa’a tokolahi pehê ai
e mali ‘i he ‘aho Tu’apulelulu´, na’a ne pehê ko
e lahi taha´ ko e ô mai mei muli ‘o fie mali ‘i Tonga
ni. Pea ‘oku ‘i ai mo e ni’ihi ‘oku nau ‘ai pe
ke fakahoko kimu’a pea tâpuni e Pule’anga´, ‘a
ia ko e Tu’apulelulu faka’osi ia ‘o e ta’u´.
“
Na’e mei a’u ‘o 30 tupu, ka na’e ‘i ai e ngaahi
me’a na’e fehâlaaki pea ‘oku toki faka’osi’osi
ia ‘i he [Falaite] mo e Tokonaki,” ko e lau ia ‘a e tokotaha
ni.
|
