|
Ta’efiemâlie ki he hiki e fu‘u Maka fakamanatu
e Hake’anga e Lotu´
Fa’u ‘e Bruno Manu
KUO
a’u ‘a e fekihiaki ‘i he ongo maka tupu’a ‘o
e ‘Otu Tonga´ ni ‘i he ni’ihi ‘o
e kâinga ko ia mei Kanokupolu´, pea pehê ki Ha’atafu´ ‘o
ta’aki ai ’a e ongo fu’u maka fakamanatu ni.
Ko e ongo maka´ ni ko e Maka Hake’anga e Lotu´ ‘oku
tu’u ‘i Ha’atafu, pea mo e Maka Sakalameniti´ ‘i
he vaha’a ‘o Ha’atafu mo Kanokupolu´.
Na’e a’u mai ki he ‘ofisi ko ia ‘o e nusipepa´ ha
tangata’eiki mo ‘ene hanuhanu ‘i he ngâue pango ko
ia kuo hoko´. Na’a´ ne pehê ko e hiki ko ia ‘a
e ongo maka´ ni ko e to’o ia ‘e he kâinga lotu Uesiliana ‘o
Ha’atafu´, ‘o fokotu’u ia ‘i mu’a ‘i
honau fale lotu ‘oku ‘amanaki ke huufi´. Na’e pehê foki ‘e
he tokotaha´ ni, ko ‘enau loto mamahi´ ko e ‘ikai ke
ui ha fakataha kenau alea’i ai e fo’i ngâue´ ni.
“‘Oku fakatupu loto mamahi, koe’uhi´ ko e talu ‘emau
tupu hake mo e tu’u pê ‘a e maka´ ni ‘i he feitu’u
na’e hoko ai ‘a e ngaahi me’a na’e fakahingoa ki ai´.
Na’a mau ‘ohovale pe kimautolu kuo pulia ‘a e maka´,
pea mau toki fanongo tâ ko ê na’e ha’u pê ‘a
e kau ngâue´ ia ‘o e fale lotu´ ‘o ta’aki,” ko
e hanuhanu ia ‘a e tangata’eiki´.
Kaekehe,
ne ‘i ai foki ‘a e fekihiaki ia ‘a e Siasi SUTT
pea ko Filini Sikuea ‘a ee ko hono kelekele´ne tu’u ai e
fu’u maka´ ‘i he lolotonga e ta’u´ ‘i he
lahi e pa’anga ke fakalahi’aki e lisi ‘o e ‘api ‘oku
tu’u ai e fu’u maka hake’anga e lotu´.
|
