|
Tu‘ukimu‘a
e ongo tautehina he sipoti´
NA’E tangutu fakalongolongo pe ha tangata’eiki mei
he Fakamalu Sio’ata´, ko Sinilau Taufa mo ‘ene
fiefia´ ‘i he taimi na’e fekau ai ke tu’u
hono ongo foha´ ki ‘olunga kae pasi’i ‘e
he matanga´ lolotonga e polokalama tanaki tu’unga ‘a
e ‘apiako Southern Cross Campus ‘i Mangere ‘i
he uike kuo ‘osi´ koe’uhi´ ko ‘ena
lava me’a ‘i he mala’e ‘o e sipoti´.
Na’e ‘i ai e ngaahi pale kehe na’e foaki ma’a e ongo
talavou´ ni ‘a ia ko Mo’ale Taufa ta’u 13 pea mo hono
tehina ko Maamaloa Taufa ta’u 11, ka ko e tumutumu´ ko hono foaki
kiate kinaua ‘a e pale fakakatoa ki he taha sipoti lelei taha ‘a
e ‘apiako´ ni ki he 2003.
Neongo
ko e ‘akapulu´ ‘a ‘ena sipoti manako´ ka
e fakatatau ki he fakamatala ‘oku ma’u ‘e he nusipepa ni ‘oku
na kau pe naua ha fa’ahinga sipoti pe ‘o hangee ko e soka´.
Na’e foaki e tokotaha ‘akapulu lelei taha he ta’u 7 kia Maamaloa
pea foaki e pale ki he tokotaha ‘akapulu lelei taha he ta’u 9 kia
Mo’ale.
‘Ikai ke ngata heni´ ka na’e toe a’utonu atu foki e pule
sipoti ia e kolisi De La Salle kia Sinilau ‘o kole ke fefee ke ‘oange ‘ene
ongo tamaiki´ ki De La Salle ke na hoko atu ai.
“
Na’a ku ‘amio au he ‘oku mamafa e toe hu ia ki he ‘apiako
ni, ka na’e fakaha mai ka huange hoku ongo foha´ ki De La Salle ‘e ‘ikai
ke u totongi ‘e au ia ha me’a,” ko e lau ia ‘a Sinilau.
Ko
e me’apango na’a ne fakahoko ‘eni ki he ongo tamaiki´ ka ‘oku ‘ikai
ke na fie ‘alu naua ia. ‘Oku na kei fie nofo pe ‘i Southern
Cross.
“
Ko ia he’ikai ke fai hoku loto´ kae fai’aki pe ‘ena fili´,” ko
e lau ia ‘a Sinilau´.
Ko
e talavou ko ia ko Taniela (Teutau) Moa ‘a ia na’a ne ma’u ‘a
e pale ki he tokotaha va’inga ‘akapulu tu’ukimu’a taha ‘a
Nu’usila he ngaahi kolisi´ ki he ta’u ni na’e ako ia
he ‘apiako Southern Cross. Ka na’e ‘ave ia ki De La Salle ke
hoko atu ai he ‘oku ‘i ai ‘enau timi kalasi ‘uluaki he ‘akappulu´.
Ko hono ola´ ‘eni kuo polepole ai hono famili´ he ne ‘ikai
ke ngata he’enau hau he fe’auhi fakakolisi´ ka ne toe ma’u
foki mo e pale makehe ko ‘eni´.
Kaekehe
ko e ongo foha ‘o Sinilau´ na’a na fakafofonga’i ‘a
e vahe ‘Okalani´ he ta’u ni ‘i he’ena va’inga
he timi kalasi ta’u 13.
‘I he fepotalanoa’aki mo Sinilau´ na’a ne pehee ‘oku ‘ikai
ko ha ngaue faingata’a ‘ene muimui holo he taleniti ‘ene ongo
tamaiki´ ka ‘oku ne faka’amu pe ke na a’u ki ha tu’unga
lelei ‘i he kaha’u´. Ko Sinilau´ kuo mavae mo e fa’ee ‘a
e ongo tamaiki´ ni he ta’u lahi pea ‘oku ne nofo pe ‘o
tauhi kinaua.
“
Ke fee pe e feitu’u te na va’inga ki ai´ na’e pau ai
pe ke u tu’u ‘o lele ke ‘ave kinaua ki ai, pea ‘oku ‘ikai
ke u fo’i...Faka’amu pe ke na a’u ki ha tu’unga lelei
he kaha’u´ kae ‘oua te na he he fakatamaiki´,” ko
e faka’amu ia ‘a Sinilau´.
Ko
Veitongo´ foki ko e fu’u kolo soka ia ka ‘oku faka’ohovale
ma’u pe ‘a e e ‘asi hake ha taha ‘i he mala’e ‘o
e ‘akapulu´.
|
