|
Fakanofo
Pâtele ‘a
e toko fitu
NUKU’ALOFA: NE fakanofo ‘e he ‘Eiki ‘Epikopoo´,
Dr Soane Lilo Foliaki, ha kau tîkoni ‘e toko fitu ki
he lakanga pâtele´ ‘i he efiafi Tu’apulelulu
uike kuo ‘osi´, pea ko e toko lahitaha eni ‘o
ha kau pâtele kuo fakanofo fakataha.
Ko
e toko fitu´ ni ‘oku kau ki ai ‘a Henelî Nailoni Mafi ‘o
Houma´, ‘Ita Koloamatangi mei Ha’apai, Sione Vave Hâmala ‘o
Popua´ (SM), ‘Epoki Fo’ou Manu ‘o Tofoa´ (SM),
Soane ‘Ahohako ‘o Niua´ (SM), Felesiano Fatu ‘o Matahau´ mo
Mateo Lui ‘o Veitongo´.
Ne
fakahoko e ouau fakanofo´ ni ‘i he Falelotu Faka-’Epikopoo´,
Malia Tupu ‘i Makulata´, ‘i Maufanga ‘a ia ne kau hake
ki ai ha fu’u kakai tokolahi mo’oni.
Hili
e ouau´ ne hoko atu ki he polokama fakame’itê ‘i
tu’a pê pea mo e ma’u me’atokoni.
Na’e toki muimui atu leva ‘i he toenga ‘o e uike´ ‘a
e fuofua fai misa ‘a e kau pâtele´ ‘i honau takitaha
palôkia mo e ngaahi polokalama fakafiefai kehe.
Ko
e tu’u ko ‘eni ‘a Tonga´ ‘i hono fakahoa ki
he ngahai fonua muli´ pea mo hono tokolahi´ mahalo ko Tonga ‘oku
tokolahi taha ‘ene kau Patele´. Ka koe tu’u ki he kaha’u´ ngalingali ‘e
toe tokolahiange he ‘oku kei tokolahi e fanau ‘oku nau kei ako Patele ‘i
he ‘apiako Pacific Regional Seminary ‘i Fisi´. Ko e ako ni ‘oku
ta’u ‘e 7 e kau Patele Taiosisi´ pea ta’u leva ‘e
8 e ako ‘a e kau patele ‘o e Kautaha ‘o Malia´ (SM) mo
e ngaahi kautaha mo’ui fuakava kehe´.
Ko
e tu’u fakamamani lahi´ ‘oku holo e tokolahi e kau patele´ he
ngahai fonua lahi ka ko Tonga ‘oku faai hake pe ia ki ‘olunga. Ko
e kautaha Malia´ ‘oku nau ngaue fakamisinale kinautolu ki muli pea
ko e kautaha Taiosisi´ ko e nofo taha pe ki he Taiosisi ‘o Tonga´.
Ka ne kamata he ta’u ni ‘a e kole mai ‘a Cook Island ia ‘o ‘oatu
ai ha ongo Patele Taiosisi mei Tonga ke na ngaue ai.
|
