|
Toloi
hopo ‘Etita ‘o e Taimi ‘o Tonga´ mo
Halahingano ki he 2005
NUKU’ALOFA: KUO toloi ‘a e hopo fuakava loi ‘oku
tukuaki’i ai ‘e he Minisitâ Polisi´, Clive
Edwards, ‘a e ‘Etita ‘o e Taimi ‘o Tonga´,
Mâteni Tapueluelu, pea mo e sela mâlôlô ko
Kîvalu Halahingano ki Sanuali/Fepueli 2005.
Ko
e hopo eni ‘i he fo’i fuakava tohi ne fai ‘e Kîvalu ‘i
he 2000 fekau’aki mo hono fekau’i ia ‘e he Minisitâ Polisi´ ke
ne hae ‘a e ‘ofisi ‘o Mâteni ‘i ‘Eua´ ‘a
ia ne pule le’ole’o ai he Pilisone Sainai´, ‘o to’o
mei ai e ngaahi fakamatala kau ki he’ene day off ke tuli ‘aki ia
mei he ngâue´.
Ko
e ngaahi day off foki eni ne tuli ‘aki ‘a Mâteni mei he
ngâue´. Ne ‘uluaki hopo’i foki ‘a e me’a´ ni ‘i
he hia ia ko e laukovi pea ne tukuange ai ‘a Mâteni ‘i he Fakamaau’anga
Lahi´. ‘I he hili e hopo uike ‘e nima ko ia´ ne kamata
ai pê ia mo Kîvalu he ‘aho hoko´ ‘i he Fakamaau’anga
Polisi´ ‘i he tukuaki’i ‘i he me’a tatau ka ko
e fuakava loi ia. Ko e hopo faka’eke’eke ia pea ne pehê ‘e
he Fakamaau Polisi´, Paula Tatafu, ‘oku ‘i ai pê ‘a
e ‘uhinga fe’unga ke hoko atu ‘a e ongo faka’iloa´ ki
he Fakamaau’anga Lahi´.
‘Oku malu’i pê foki ‘a e ongo faka’iloa´ neongo ‘oku
tukuange pê ‘a e paasipooti ‘a Mâteni´, ‘a
ia ne puke ‘e he fakamaau’anga´, koe’uhi´ ko ‘ene
ngaahi fefolau’aki´.
|
