|
Ngali
ma‘u pê ha kilisimasi e kau tô hina ‘a
e Ha‘amo´
‘
OKU hangehange pe ka kei ma’u ha kilisimasi ‘a e kau
to hina ‘a e Kautaha Ha’amo Growers ‘i he mahino
ko ia ‘oku kei tu’uma’u pe ‘a e totongi
ko ia ne nau femahino’aki ki ai mo’enau kau to hina´ ‘a
ia ko e ma’ulalo taha´ ko e seniti ‘e 60 ki he
kilo.
Fakatatau
ki he fakamatala kuo tuku mai mei he ‘Ofisi ‘o e Ha’amo´ na’e
pehe ai ko e totongi ko’eni´ ne nau tukupa ki he’enau kau to
hina angamaheni ‘a ia ne nau ‘osi fakamo’oni ‘i ha aleapau
ki he totongi si’isi’itaha´. Ko e toenga leva ko e ni’ihi
ne nau fakatau pe ‘enau fo’i hina´ ki he kautaha´ ‘a
ia na’a nau ‘oange ‘a e totongi ko e seniti ‘e 45 ki
he kilo.
Na’e toe pehe foki mei he ‘Ofisi ‘o e Ha’amo´ kuo
nau ‘osi totongi atu ‘e kinautolu ‘a e pa’anga ki he
ni’ihi ko’eni ne nau fakatau ange ‘enau fo’i hina´ kiate
kinautolu´. ‘I he taimi tatau ‘oku lolotonga hokohoko atu ‘enau
ngaue ki hono vahe ‘enau kau to hina ne nau alepau mo e kautaha´ ‘a
ia ‘oku fakaangaanga ki he uike ni pe ko e uike kaha’u´ ‘e
toho ai ‘e he kau ngoue ‘a e Ha’amo ‘enau seniti ko honau
kilisimasi.
Kaekehe ‘i hono fakafehoanaki e totongi ko’eni ‘oku ngaue’aki ‘e
he Kautaha Ha’amo´ mo e toenga ‘o e ngaahi Kautaha Uta Hina ‘i
Tonga´ ‘oku ‘ikai toe fehu’ia ‘a e mau’olungataha
pe ‘a e totongi ia ‘a Ha’amo. Na’e ‘osi tuku atu
foki ‘i he nusipepani ‘a e totongi ‘oku ngaue’aki ‘e
he ngaahi kautaha uta hina kehe´ ‘a ia ‘oku ‘avalisi
ki he seniti ‘e 25-30.
Kaekehe
na’e toe fakaha mei he ‘Ofisi ‘o e Kautaha Ha’amo´ ko
e taha ia ‘enau taumu’a ngaue´ ko e feinga ke tokoni’i ‘a
e kau ngoue ‘o Tonga´ pea ‘i he tu’unga ko ia´ te
nau fai honau leleitaha´ ke pikipikihama mo vaevaemanava mo e kau ngoue
kotoa ‘i he ‘otu Tonga´ ni.
|
