|
Liliu ‘a Hufangalupe ki he senita ma‘ae to‘utupu´
Kuo
liliu ‘a e Naitikalapu Hûfangalupe ‘i Vaini
ke hoko ko ha Senitâ Va’inga (Recreational) Ma’a
e Fânau, pea na’e huufi eni ‘e he ‘Eiki
Lavinia Fangaake Ma’afu ‘i he Tu’apulelulu.
‘Oku kau ki he senitâ ko ‘eni´ ha kinitî ma’a
e longa’i fânau, ta’u tolu ki he nima pea pehee ki ha feitu’u
va’inga ‘i tu’a ma’a e fânau ta’u 6 ki he
ta’u 12 pea mo e fale fakatau me’a’ofa ma’a e fânau,
falekoloa, laipeli, pea ‘i ai mo ha loki ki he faito’o fakavavevave
(first aid), pea fakalele foki heni mo e ngaahi polokalama kehekehe ma’a
e fânau.
‘I he fakamatala ‘a Fepaki Guttenbeil, na’a ne pehê ‘oku ‘i
ai e tokanga ki he ngaahi fa’ê ‘i he komiunitî, ke ‘i
ai ha feitu’u ke lava ‘o ‘ave ki ai ‘a ‘enau fânau´.
Pea ‘oku ‘ikai ko ha poupou lelei eni ki he anga ‘a e tupu
hake ‘a e fânau.
“
‘Oku mau tui ‘e tokoni ‘a hono fokotu’u ha feitu’u
makehe ki he fânau, ke nau tupu hake ‘i ha ‘atakai ‘oku
ne fakalato ‘a ‘enau ngaahi fiema’u ‘i Tonga, ‘o
tautefito ki he fânau,” ko e fakamatala ia ‘a Fepaki.
‘
Oku ne pehê ‘oku lahi e ngaahi faingata’a fakasosiale kehekehe ‘oku
a’usia ai ‘a Tonga ni, ‘o kau ai ‘a e lahi e ta’ema’u
ngâue, tô lalo ‘a e ‘ekonômika mo e ngaahi palopalema
fakasosiale. Pea ‘i he ‘atakai pehe ni, ‘oku fiema’u
ke ‘i ai ha fa’ahinga me’a ‘e lava ai ke poupou’i ‘a
e fânau ke nau tupu hake, ‘oku ‘ikai ke nau hoko ko ha palopalema
ki he fonua.
Ko
e senitâ ‘a Katherine (Lina) Ramsay, mo Fepaki Guttenbeil. Na’e
kamata lele ‘a e senita ‘i he Monite ki he Tokonaki mei he 10am ki
he 6 efiafi.
|
