| "Tefua-'a-Vaka-Lautala,"
ko e ki'i tohi fatungaleá (language journal)
ni 'oku fakatoka 'i he 'Palanite Tonga' ke ngâue'aki
ki hono pulusi 'o e ngaahi fa'u 'i he 'etau lea faka-Tongá.
'Oku fakataumu'a 'a e tohí ni ke poupou'i e
tohi 'i he 'etau lea faka-Tongá pea mo tokoni
ki hono pukepuke mo fakakoloa 'etau lea tu'ufonuá.
'Uhinga
'o e kupu'i lea, Tefua-'a-Vaka-Lautala: Ko "Lautalá"
'oku ha he tukutala 'o Hâ'ano, Ha'apaí
ko e taulanga 'iloa he fo'u vaká. Matamata
ko e leá ni ne ngâue'aki 'i ono'aho 'i
he taimi ne fakataha (tefua) ai e 'u vaká ki
he taulanga Lautalá (Hâ'ano) ke fakahoko
ha ngâue mahu'inga. 'Oku 'uhinga 'a e kupu'i
leá ni ki ha fakataha 'a ha kakai nima poto
mo taukei (tufunga fo'u vaka) ke fakahoko ha ngaue
kâfakafa mo faingata'a. Ko e ngâue ki
hono pukepuke mo fakakoloa 'etau lea tu'ufonua 'i
he uhouhonga 'o e fakamâmanilahi (globalization)
ko ha ngâue faingata'a, ka 'e lava 'ânoa
pê 'o kapau te tau ngâue fakataha. 'I
he kuongá ni 'oku tau folau he vahaopé
(cyberspace) ki ha taulanga fo'ou (website) ke fakahoko
ai e ngâue ki hono pukepuke 'etau lea fakafonuá.
Kapau
'oku 'i ai ha'o fa'u 'i he lea faka-Tongá 'oku
ke loto ke pulusi heni, pea ke kâtaki 'o 'imeili
mai kia: Tevita O. Ka'ili (tkaili@planet-tonga.com)
"Tefua-'a-Vaka-Lautala,"
is a Tonga language journal established in 'Planet-Tonga'
to publish writings in our Tongan language. The purpose
of this language journal is to support writing in
our Tongan language and to help maintain and enrich
our indigenous language.
Meaning
of the phrase, Tefua-'a-Vaka-Lautala: "Lautala"
is known in the oral tradition of Hâ'ano, Ha'apai
as a famous seaport known for constructing canoes.
Probably the phrase was used in ancient times when
the canoes gathered at the seaport of Lautala (Hâ'ano)
to undertake an important work. This phrase means
the gathering of skilled and experienced people (canoe
builders) to undertake a tremendous and difficult
task. The work of maintaining and enriching our Tongan
language within globalization is a difficult task,
but it can be done if we work together. In this space
era, we sail in cyberspace to a new seaport (website)
to work on maintaining our native language.
If
you have any writings in the Tongan language that
you want to publish here, please e-mail Tevita
O. Ka'ili (tkaili@planet-tonga.com)
Forum:
Tefua 'a Vaka Lautala Forum
Ta'anga
(Songs):
| 