Koe kaveinga ngaue ‘a e Kaute Kula 82-84 fakakatoa:
1. Fakafeohi ‘a e to’uako 2. Fetokoni’aki ‘a e to’uako ‘iate kinautolu ‘I he tafa’aki kehekehe 3. Tokoni ki he Kolisi Tonga ke fakalalaka aipe hono teu’I e fanau ‘I he Kolisi ki he lolotonga ni moe kaha’u
[more photos at the Photo Gallery]
‘Oku i ai e Komiti Lahi ‘a e Kaute Kula 82-84 fakakatoa pea koe Palesiteni Lahi ko Raymond Fifita pea tokoni kiai ‘a e kau Palesiteni faka-zone kotoa pe ‘o kau ai moe Tokoni Palesiteni i Tonga, pea ‘oku i ai e ngaahi zone kehekehe i he ‘u zone fk-fonua koeni: USA(mainland), Hawaii, Australia, UK, Japan,NZ pea ‘oku fai e ngaue fakataha moe fe’ofo’ofani ki he ngaahi taumu’a ngaue ‘i ‘olunga.
‘Oku taki mai mei he ngaahi fonua koeni:- TONGA - Raymond Fifita mo Pohiva Uele USA(mainland) - Nela Pepa mo Tevita ‘Akau HAWAII - Sam Naupoto mo Atunaisa Latu AUSTRALIA - ‘Epalahame Suli mo Fohe Tu’ipulotu JAPAN - Takai Palei mo Sione Holopulu UNITED KINGDOM - ‘Elisi Vunipola mo Liuaki Hansen NEW ZEALAND - Pita Pua mo Samuela Hansen
Koe ngaahi projects kuo lava: 1.Seti Falani ‘Akapulu - ne ikuna’aki ‘e he Timi Senior ‘a ‘Atele na’a na tauhi lahi mo Toloa kihe sila oe 2006. Ne ikuna ‘a ‘Atele 24 ki he 5 i he papa tohi kai. 2.Seti Computer kakato e 24, Aircon e 1, Printer e 1 - ne foaki koe fakamanatu ‘a e Ta’u 124 ‘o e Kolisi Tonga ‘i ‘Okatopa 2006 3.Cellular/Mobile e 7 - foaki ki he top student i he lesoni technical mei he form 1 ki he form 7 Set TV lahi e 1 - foaki ki he Kolisi ke ngaue’aki ki he sipoti moe ngaahi me’a fakaako Set sea e 30 - foaki ki he Laipeli ‘a e Kolisi 4. Ko hono fakakakato kotoa e loki compter hono ua mo fakanaunau loua e ongo loki computer ki he tuunga tatau moe ngaahi computer pool i he ‘Univesiti i muli. Koe foaki eni ke fakamanatu ‘a e ta’u 125 ‘o e Kolisi Tonga i ‘Okatopa 2007.
Mei loto Aotearoa, Kaute Kula 82-84 (NZ),ne fakahoko ai ‘i he efiafi Tokonaki ‘aho 10 Ma’asi 2007 ‘a e fakataha hono ua ‘a e to’uako koe tulifua ki he project hono 4 mo tanaki e to’uako ke fakakakato honau ngaahi fatongia ki he’enau ngaahi taumu’a ngaue fakakatoa ‘o e Kaute Kula 82-84, ‘a ia koe project fika 4 eni ‘oku lele’i he taimi ni.
Na’e toki fokotu’u pe ‘a va’a koeni ‘o Aotearoa ‘i he mahina ko Fepueli ‘o e ta’u ni pea na’e lava ‘a e fakataha ni ‘o fakakakato ai hono fili ‘o e ngaahi lakanga ki he komiti ngaue ‘o e Kaute Kula 82-84 ‘o Aotearoa ‘o hange ‘oku ha ‘i lalo:
Palesiteni – Pita Likiliki Pua, Tokoni Palesiteni – Samuela Hansen, Sekelitali – ‘Apisai Mahe, Tokoni Sekelitali – Peni Malafu, Tauhi Pa’anga – ‘Alatini Uhi, Tokoni Tauhi Pa’anga – Mosese Tupou, ‘Ofisa Fetu’utaki – Taniela Foliaki, Tokoni ‘Ofisa Fetu’utaki – Samiuela ‘Asaeli, Angi – Tevita Fatanitavake, Tokoni Angi – Tevita ‘Ake mo Hala Mahe, Taki Komiti Fale’i – Puli Kaivelata, Tokoni Fale’i – Kimipolo Longopoa mo Neiufi Foliaki.
Koe Kaute Kula 82-84 ‘oku ‘I Tonga pe ‘a e Komiti Lahi pea koe Palesiteni Lahi ‘a Raymond Fifita, Tokoni Palesiteni (Tonga) - Pohiva Uele, Sekelitali – Latu Matoto, Tokoni ‘a Po’oi Kaufusi, Tauhi Pa’anga ‘a Paula Mosa’ati pea tokoni kiai ‘a Sione Lino. ‘Ofisa Fetu’utaki ‘a Mohameti Afu, pea tokoni ‘a Pamina Hakaumotu, Angi ko ‘Asipeli Moala, pea tokoni kiai ‘a Tevita Vuki, Kinisiliti Vunipola, Lopeti Tongilava mo ‘Aholoka Tupou. Koe Pataloni ‘o e Kuate Kula 82-84 kuo fili ‘e he to’uako ni ‘a Palu Pua koe tangata ngaue ‘aufuato mo ‘osi-kia-velenga ki he Kolisi Tonga he ta’u e tolungofulu tupu lahi pea koe tangata fale’i (Advisor) ‘a ‘Anau Lifuka, koe taha ia e kau tangata’eiki kolisi mu’a ‘oku tokoni ki hono langa e Kolisi Tonga ke faka’ofo’ofa .
Koe ngaahi fonua kehe te’eki maau mai e list koia.
Koe poloseki eni ‘e hono 4 eni ‘oku ngaue’i ‘e he Kaute Kula 82-84, ‘a ia ko hono fakakakato mo fakanaunau ‘o e Ongo Loki komipiuta ‘o e Kolisi Tonga ke hange koe ngaahi loki komipiuta ‘i he ngaaahi ‘Univesiti ‘i Tu’apule’anga pea koe fakataha koeni ke fai ha tokoni fakavavevave ki he poloseki koia mo fakafeohi e to’uako ni pea kau mai kiai mo honau ngaahi famili.
Na’e lava mai ha kau fakafofonga mei Kolisi Tukuku Lahi ‘a e Kolisi Tonga o Aoteroa ki he fakataha ni kenau poupou pe ki he to’uako ni ‘i he langa ngaue kuo fakahoko pea na’e taki mai ai ‘a Viliami Latu, Saia Tu’ungafasi mo Peni Grewe.
Koe konga lea mahu’inga eni ‘a e Pataloni, Palu Pua pea ‘oku mau faka’amu ke ‘asi i he ongoongo koeni i he planet-tonga, koe konga ‘o ‘ene popou lelei ia ki he to’uako ni:
“Mahalo koe ki’i ngaue ‘aonga faka’osi pe eni ‘eku mo’ui keu hoko koe Pataloni ki he Kaute Kula 82-84 pea ‘oku ou faka’amu ke ma’u ‘e he Kaute Kula kotoa pe ‘i mamani ‘a e kakano ‘o e mo’ui ‘o e tamasii Kolisi Tonga kotoa pe, ‘a e anga faka-’otua koe Talangofua moe Faka’apa’apa pea koe Funga Manamo’ui ‘oku Mana e Mo’ui, lea – Mana, ‘ofa – Mana, ngaue – Mana, he koe uho ia e mo’ui ‘i he ‘api ko Manamo’ui ke Mana e mo’ui ke mo’ui ai ha taha kehe pea koe kakai ‘oku mana ‘enau mo’ui ‘oku tapu e holomui ia pea ‘oku ifo’ia ‘i he hela’ia ia, tapu ‘a e nofo noa’ia pea ‘oku ikai ha mea ia koe Ta’emalava he tangata Kolisi Tonga”.
‘Oku ‘oatu ai pe ha fakamalo ‘a e Kaute Kula 82-84 ‘o Aotearoa kia Ma’ule’o Pifeleti-Pua ‘i he teuteu kotoa pe ‘o e me’atokoni moe DJ ki he fakataha kotoa pe kuo fakahoko pea pehe ki he Planet Tonga ‘i he ngaahi falani ne tui ‘e he fakataha.
Koe fakataha hoko ‘e fakahoko ia ‘i he95a Gray Ave , Mangere, ‘i ha ‘aho Tokonaki 24 Ma’asi 2007. Pea ‘oku i ai e fokotu’utu’u kemau fakataha takai holo ‘i he ‘u feituu kehekehe ‘oku nofo mama’o ange ke kau fakataha mai moe fanga tokoua ‘i he ngaahi feituu koia. Ki hono fakaikiiki fetu’utaki ki he Public Officer (NZ), Taniela Foliaki fika 021 145 4227.
Dan Foliaki Public Officer Kaute Kula 82-84 (NZ) - Tonga College Ex-students Auckland, New Zealand. Direct #: +64 (9) 2599983 Mobile #: +64 0211454227
You must be logged in to post a comment.
Subscribe to PT site content via RSS
leahstucky